სასურველი მასალა პროვინციული
გაზეთების ბოლო გვერდისათვის
- ორმოცი წლის წინ, საჰარაში, ზღვის თევზების წვიმა მოსულა,
ცვივოდა თურმე ციდან ლიფსიტა:
- ოცდაცხრა წლის წინ, ცეილონზე მონეტების
წვიმა მოსულა.
ცვიოდა თურმე ციდან ფულები:
შილინგი, პესო,
და ფეხშიშველა გლეხის ბიჭები, მაღალ პალმებს
შეფარებულნი, იცინოდნენ და ბოჭავდნენ ფულებს...
-უკეთესს გეტყვი: იმ წელს, მარტში, ნამდვილი
ცრემლის წვიმა მოსულა.
ცვივოდა თურმე ციდან
ცრემლები:
მოხუცის,
ბავშვის, კაცის, ქალების...
და წვიმდა თურმე
წვიმდა,
წვიმდა...
Комментариев нет:
Отправить комментарий